Pantun Cinta Bahasa Minang

Pantun Cinta Bahasa Minang

Karimbo mamikek balam
Balam di pikek tigo gayo
Jalilan cinto lah lamo karam
Bayangan adiak marupo juo.



Badabua ombak di muaro
Mahampeh biduak katapian
Mambayang bana kisah nan lamo
Raso di bibia tapi cawan.

Ditampi bareh di tampi
Alah di tampi badadak juo
Dinanti adiak dinanti
Panek mananti malapeh hao.

Batipuah namonyo koto
Hujan paneh ditangah hari
Janji cinto alah saiyo
Urang tuo tak merestui.

Karambia condong talampau bana
Buah taserak jatuah ka jurang
Disangko jodoh lah iyo bana
Kironyo lapeh katangan urang.