Pantun Bahasa Ambon

Pantun

Contoh Pantun Dalam Bahasa Ambon

Potong besi di kuda mati
Besi putih dari galala
Gimana kabar nona manis paskali
Beta rindu C pung suara.

Balenggang badang goyang pinggang
sena kakiri sena ka kanan
Siang malam nona tabayang
Baku dapa su jadi angan angan

Dodaga kaeng tabula bale
akang tadudu kaki kapala
Rindu hati teringat ale
Rindu sampai pusing kapala.

Bala bulu bala apiong
pake piso pake belati
Biarpung cinta su tagantong
Dalam hati seng rubah lai.

Lempar kanari di batu gantong
Dapa pukul deng kaeng katun
Mari kamari Pela deng gandong
Katong bakumpul barmaeng Pantun

Liat ka tanjong ombak berbaris
Biking tagae usi kaeng kabaya
Anak padang senyumnya manis
Paleng bae deng paleng bagaya

mangael ikang di gudang gurang
dapa ikang..ikang tanggiri
biar enak di tana orang
la jangan lupa kampong sandiri

Maniso kamari maniso kasana
nai pala di utang banda
taru tangan di atas testa
inga mama jauh di sumatra

daong pandan kacil bagini
sudah bisa bungkus nasi
nyong padang kacil bagini
sudah mau piara bini